Чарговы кватэрнік гурта ROSY адбудзецца 13 лютага ў 19.00

У акустыцы, а дакладней ўдвох вакалісты і гітарысты Віталь Чарняўскі і Ягор Касцюкоў, больш некалькі гадзінаў будуць радаваць вас сваімі старымі песнямі. А таксама зусім новымі, якія ўвойдуць у EP, што з’явіцца бягучай вясной.

Гэты кватэрнік гурта Rosy будзе прымеркаваны да Дню віна, які адзначаецца пакуль толькі баўгарцамі і купкай беларусаў ;)

Лавіце момант паслухаць файную музыку танна, нажыва і ў цёплым сяброўскім коле.

Да таго ж прыемны лірычны вечар будзе добрым распачынам напярэдадні Дня святога Валянціна, калі вы завітаеце на канцэрт разам са сваёй паловай.

Як патрапіць: Адзначыцца каментам.
Прыйсці на месца Х (яно знаходзіцца амаль ў цэнтры) без спазнення і разам з праважатым дайсці да кватэры, дзе адбудзецца кватэрнік.

Просьба: Паводзіцца сціпла і ахайна. Піва для музыкаў - вітаецца.
Пад час канцэрту выхадзіць паліць - забаронена.

За што: Абавязковая ўмова - пакінуць музыкам грошы, каб кампенсаваць прыезд у Мінск, вы ж ўсе ведаеце, што яны едуць са Стоўбцаў.
(мінімальнае ахвяраванне - 5 тыс)

Бонусы і пакаранні: Тым, хто адзначыцца, але не прыйдзе, мы гэта прыпомнім ;)
Калі ўсё адбудзецца "на выдатна" з усіх бакоў, у тым ліку слухацкага, музычныя кватэрныя святы будуць доўжыцца.

Замаўляйцеся ў каментах, якія хаваюцца.
Там жа будзе паведамлена месца кватэрніку.